TIRANË– Pas vendimit të Gjykatës Kushtetuese, e cila rrëzoi kërkesën e bërë nga 28 deputetët e Partisë Demokratike për shfuqizimin e Vendimit të Këshillit të Ministrave për ndërtimet pa leje ka reaguar dhe deputeti demokrat Gazment Bardhi. Përmes një postimi në rrjete sociale Bardhi shkruan se për fat të keq dhe këtë herë Gjykata Kushtetuese nuk i shpëtoi presionit të kryeministrit Edi Rama. Sipas tij, qeveria e Ramës parashikon burg për qytetarët e thjeshtë dhe amnisti për “oligarkëet”.
POSTIMI:
Asnjë surprizë! Vendimin e sotëm të Gjykatës Kushtetuese e ka shpallur Edi Rama më 15.12.2022, ku kërkoi nga GJK të mos lajthisë dhe e sfidoi hapur duke paralajmëruar moszbatimin e çdo vendimi të ndryshëm. Për fat të keq Gjykata Kushtetuese nuk i rezistoi dot presionit dhe shantazhit të Kryeministrit dhe oligarkëve të tij! VKM-ja që legalizon ndërtimet pa leje të oligarkëve është thelbi i qeverisjes së Edi Ramës: Burg për qytetarët e thjeshtë, amnisti dhe legalizim për oligarkët.
2/2. Për fat të keq GjK nuk i rezistoi dot presionit dhe shantazhit të Kryeministrit dhe oligarkëve të tij! VKM-ja që legalizon ndërtimet pa leje të oligarkëve është thelbi i qeverisjes së Edi Ramës: Burg për qytetarët e thjeshtë, amnisti dhe legalizim për oligarkët.
— Gazment Bardhi (@GazmentBardhi) June 15, 2023
