TIRANË– “SPAK na vuri përpara një dosje voluminoze“, kështu deklaroi kryeministri Edi Rama në konferencën e jashtëzakonshme për mediat në lidhje me kërkesën e Prokurorisë së Posaçme për arrestimin e ish-zëvendëskryeministrit Arben Ahmetaj, së cilës iiu hap rrugë këtë të premte në Kuvend. Sipas Ramës kjo nuk duhet të prekë anëtarët e Partisë Socialiste të cilët iu kërkoji që të vazhdojnë vetëm përpara.
Edi Rama: Na u vu para dosja e një punë voluminoze hetimore. Gjykata do ta thotë. Ajo dosje krijon dyshime se dyshime të mjaftueshme që mos ta ndalojmë SPAK për kontroll. Është në dorë të drejtësisë, nëse është një rast fajësie apo pafajësie. Kjo nuk është as dita për të thënë dobësitë dhe të metat e punës e organeve të reja të drejtësisë. As për të shprehur shqetësimet. Kjo është dita për të kujtuar edhe njëherë se ajo që po ndodh me luftën kundër zyrtarëve të lartë dhe fakti që të pushtetshmit po humbasin pushtetin mbi drejtësinë, e ka zanafillën te kjo shumicë që qeveris vendin. Te vullneti i partisë socialiste. Te këmbëngulja, te vendimmarrja më e guximshme në këto tre dekada në kërkim të një drejtësie për Shqipërinë. Të ndërgjegjshëm për gjatësinë e kësaj rruge, për telashet me karakteret e dobëta dhe kohën që fluturon pa u mjaftuar teksa bregu në anën tjetër është ende larg. Kokën lart dhe vetëm përpara.
