TIRANË– Kuvendi i Shqipërisë i ka hapur rrugë ndërtimit të “Urës mbi Bunë”, urë që do të jetë një gjatësi prej 310 metrash. Këtë të enjte në seancën e parë pas zgjedhjeve vendore tëe 14 majit Kuvendi ka miratuar marrëveshjen me Malin e Zi. Kjo marrëveshje mori votat e të majtëve dhe të djathtëve duke marrë 92 vota.
Ura e Bunës pritet të përfundojë për 18 muaj, ku do të shkurtojë distancën mes Velipojës dhe Ulqinit. Projekti pritet të kushtojë rreth 1.5 miliardë lekë, që do të ndahen 50 me 50 mes Shqipërisë dhe Malit të Zi, siç u ra dakort në mbledhjen e dy qeverive.
