TIRANË– Kuvendi i Shqipërisë duke se nuk do të gjejë qetësi në këtë seancë plenare. Dhe pas 10 minutave pushim deputeti Flamur Noka nuk e liron foltoren e Kuvendit dhe përfshihet në një tjetër debat të ashpër me kryeparlamentaren Lindita Nikolla, e cila kërkonte që Noka të ulej në vend dhe të vijonte seanca normale e Kuvendit madje i dha fjalën dhe ministres së Bujqësisë Frida Krifca.
Por kjo nuk i ka qetësuar deputetët që mbanin të bllokuar foltoren madje duke i rënë dhe tavolinave në shenjë revoltimi. Ndërkohë kryeparlamentarja paralajmëroi Flamur Nokën për përjashtrim nga seanca.
DEBATI:
Flamur Noka: Për ju zonjë ndiej keqardhje që keni lejuar të keqpërdoreni politikisht pafund që kur jeni ulur në atë karrige. Keqpërdroimi politik është kur ti nuk respekton rregulloren dhe Kushtetutën, por merresh me letra bakalli. Rregullorja imponon vullnetin e deputetit për të zgjedhur grupin parlamentar që dëshiron. Ne na kanë zgjedhur demokratët nuk na ka zgjedhur “Rilindja” që të rrotullosh ti lapsin nga të duash. Jepu deputetëve vendimin që mbi mbazën e të cilit këta deputetë janë shpallur armiq dhe që pjesa tjetër është mik me kryeministrin. Në të kundërt nuk ka vendim, për sa kohë nuk ka vendim, ti je e para që do shkosh për ndjekje penale për shkelje të kushtetutës! : Ç’thotë neni 15.7, thotë pas zgjedhjes së kryetarit të Kuvendit, drejtuesi lexon listën e deputetëve dhe grupeve parlamentare, unë ua lexova vendimin e KQZ, i rikonfirmuar para një muaji, a mund të më lexoni një nen të Kushtetutës që ligjëron këtë paçavure? Kjo është një Enkelejd-paçavure. Prano që je një kukull dhe je këtu për të keqpërdorur Enkelejdin në shërbim tëndin dhe të Edi Ramës. Prano këtu që ti zonjë je një keqbërëse për këtë vend dhe nuk je ligjvendëse. Kjo është realiteti se e pranove vetë që nuk ka asnjë pikë në rrëgullore dhe Kushtetute që të jep të drejtë tu dhe Enkelejd-paçavures?
Lindita Nikolla: Parlamenti zhvillon veprimtarinë mbi bazën e grupeve parlamentare, të cilët kanë rregulloren e brendshme. Grupi parlamentar ka tagrin të marrë vendime dhe këto vendime t;ua komunikojë kuvendit dhe kryetares së Kuvendit. Nëse doni vendimin e grupit parlamentar unë jam e gatshme t;ua vendos në dispozicion për herë të dytë. Lironi foltoren, nëse keni vendimin e grupit e keni dispozicion. Zoti Noka lironi foltoren, keni marrë tre vërenjtje do merrni përjashtim nga seanca.
