GREQI– Personi që shihni në foto është 50-vjeçari shqiptar Shpëtim Bajrami, i cili u vra nga bashkëkombasi i tij dy ditë më parë në Selanik. Autori i ngjarjes u dorëzua në një ditë më parë në Polici ku dhe ka dhënë dëshminë e tij në lidhje me ngjarjen. Sipas tij ai ka qenë shok me viktimën dhe se gjithçka ka nisur pas një sherri. Shkak i përleshjes mes Bajramit dhe 45-vjeçarit dyshohet të kenë qenë çështje financiare.
Autori: Kohët e fundit kam marrë kërcënime serioze për jetën nga viktima. Ka pasur dy incidente të dhunshme ndaj meje nga viktima dhe jashtë karburantit jam sulmuar sërish nga viktima.
Ndaj 45-vjeçarit është ngritur një dosje dhe pritet që këtë të shtunë ai të dalë në prokurori dhe hetues. Viktima dhe 45-vjeçari, me precedentë penalë, njiheshin me njëri-tjetrin dhe ishin ulur së bashku pak më parë. Madje, një përleshje çoi në incidentin e përgjakshëm dhe sulmin me të shtëna.Ngjarja e përgjakshme ndodhi në orën 12:35 të së enjtes jashtë një karburanti në rrugën Solonos 51.
