Më në fund, ka buzëqeshje në Kurbin, për sa i përket futbollit të luajtur.
Skuadra e Laçit është rikthyer te suksesi duke fituar në transfertë përballë Bylisit të Ballshit me rezultatin 2-0.
Ky sukses është shumë domethënës për skuadrën bardhezi.
Për djemtë e Stavri Nicës realizuan Bibo në pjesën e parë dhe në fund, ishte Babatunde ai që vulosi fitoren me një gol.
Kjo fitore e dërgon ekipin kurbinas në zonën europiane, në vendin e katërt të renditjes duke kaluar Vllazninë që ka një pikë më pak. Nga ana tjetër, Bylisi mbetet në vendin e parafundit në renditjen e Kategorisë Superiore.
