I dërguari i Bashkimit Evropian për dialogun Kosovë-Serbi, Miroslav Lajçak ka zhvilluar ditën e sotme një takim “kokë më kokë” me kryeministrin e Kosovës, Albin Kurtin.
Ata ndodheshin në Slloveni në kuadër të Forumin Strategjik “Bled”, i cili do të zgjasë dy ditë.
Vetë Lajçak ka ndarë detaje nga takimi nëpërmjet një postimi në platformën X.
Ai bëri me dije se në fokus të diskutimeve ishte takimi që do të bëhet në Bruksel me ndërmjetësuesit e dialogut, mes Kurtit dhe Vuçiç në kuadër të dialogut. Takimi do të mbahet në shtator me fokus normalizimin e marrëdhënieve dhe zbatimin e deklaratës të 3 qershorit.
“Pata një takim të rëndësishëm me kryeministrin Albin Kurti, sot në Bled. Tema jonë kryesore e diskutimit ishin përgatitjet e takimit të radhës të dialogut të nivelit të lartë në shtator me fokus normalizimin e marrëdhënieve dhe zbatimin e deklaratës të 3 qershorit”, shkroi Lajçak
Had an important meeting with PM @albinkurti today in Bled. Our primary topic of discussion were the preparations of the next High-level Meeting of the Dialogue in September with the focus on normalisation of relations and the implementation of the 🇪🇺 statement of 3 June. pic.twitter.com/D1hiwteDYr
— Miroslav Lajčák (@MiroslavLajcak) August 28, 2023
