TIRANË– Një plagosje me armë zjarri u regjistraua paraditën e sotme në Sukth të Durrësit. Mësohet se Gëzim Hoxha ka qëlluar me armën e gjahut 28-vjeçarin Lulzim Përnezha pas një konflikti për motive të dobëta. Pas ngjarje ai është larguar duke u kapur vetëm pas një orë ndjekje nga Policia. Ndërsa i plagosur është dërguar në spital ku ndodhet në kujdesin e bluzave të bardha dhe ndodhet jashtë rrezikut për jetën. Shkaku i konfliktit ka qenë debati për një makinë të parkuar.
NJOFTIMI I POLICISË:
Sukth, Durrës Plagosi me armë gjahu (çifte) një 28-vjeçar, kapet pas një orë ndjekje nga Policia dhe vihet në pranga autori i dyshuar. Në vijim të informacionit të dhënë pak minuta më parë, sipas të cilit, rreth orës 09:40, në vendin e quajtur “Kthesa e Ariut”, Sukth, pas një konflikti për motive të dobëta, shtetasi G. H. ka plagosur me armë gjahu (çifte), shtetasin L. P., 28 vjeç, ju bëjmë me dije se: Shërbimet e Policisë janë vënë menjëherë në ndjekje të shtetasit G. H. dhe pas 1 orë ndjekje, kanë bërë të mundur lokalizimin, kapjen dhe vënien në pranga të shtetasit G. H., 32 vjeç, banues në Perlat, Manzë. Ndërkaq, i plagosuri, shtetasi L. P. aktualisht merr ndihmë mjekësore në spital dhe ndodhet jashtë rrezikut për jetën. Nën drejtimin e Prokurorisë vijojnë veprimet për dokumetimin e plotë të rrethanave të ngjarjes.
