SHKODËR– Një aksident i rëndë është regjistruar mbrëmjen e sotme në fshatin Aliaj në Han të Hotit në Shkodër. Katër makina janë përfshirë në aksident duke lënë të plagosur dy persona. Ata janë dërguar menjëherë në spitalin e Shkodrës. Mësohet se mes të plagosurve është dhe një shtetas malazez. Ende nuk dihet shkaku i aksidentit të rëndë ndërkohë në vendin e ngjarjes ka mbërritur policia dhe grupi hetimor, i cili po punon për zbardhjen e shkaqeve të përplasjes.
