TIRANË– Një ngjarje e rëndë është regjistruar mbrëmjen e sotme në rrugën “Niko Avrami” në kryeqytet. Raportohet se një 68-vjeçar i identifikuar me inicialet A.D ka humbur tragjikisht jetën pasi ka rënë aksidentalisht nga kati i tretë i pallatit ku banonte. Policia në njoftimin e saj bën me dije se në vendin e ngjarjes ka mbërritur grupi hetimor, i cili po punon për zbardhjen e saj.
NJOFTIMI I POLICISË:
Tiranë/Informacion paraprak Më datë 02.01.2023, rreth orës 17:10, në rrugën “Niko Avrami”, dyshohet se aksidentalisht është rrëzuar nga kati i tretë i pallatit ku banonte shtetasi A. D., 68 vjeç, i cili si pasojë ka ndërruar jetë. Grupi hetimor po punon për sqarimin e rrethanave të ngjarjes.
