TIRANË– Drejtori i Shërbimit Informativ Shtetëror, Helidon Bendo është shkarkuar nga detyra. Dekreti është firmosur ditën e sotme nga Presidenti Bajram Begaj. Bendo ndodhej prej muajsh në Shtetet e Bashkuara të Amerikës ku po ndjek një trajnim. Ish-kreu i SHISH u shkarkua nga detyra me urdhët të kryeministrit Edi Rama.
DEKRETI:
Presidenti Begaj dekreton lirimin nga detyra të drejtorit të Shërbimit Informativ Kombëtar, Zotit Helidon Bendo
DEKRET PËR LIRIMIN NGA DETYRA TË DREJTORIT TË SHËRBIMIT INFORMATIV KOMBËTAR
Në mbështetje të nenit 93 të Kushtetutës, si dhe të nenit 5, paragrafit 2, të ligjit nr. 8391, datë 28.10.1998, “Për Shërbimin Informativ Kombëtar”, të ndryshuar, me propozim të Kryeministrit,
DEKRETOJ:
Zoti Helidon Bendo, lirohet nga detyra e drejtorit të Shërbimit Informativ Kombëtar.
Dekret nr. 13887
Tiranë, më 23.12.2022 BAJRAM BEGAJ
