TROPOJË– Një 61-vjeçar i identifikuar me inicialet D.Q ka mbetur i plagosur në Bajram Curri të Tropojës. Mësohet se ngjarja ka ndodhur aksidentalisht pasi një grup shokësh kanë qenë duke festuar në lokal dhe njëri ka shkrepur aksidentalisht armën duke plagosur shokun në këmbë. Ai ka shkuar për ndihmë mjekësore në spitalin e Gjakovës dhe raportohet se ndodhet jashtë rrezikut për jetën. Në vendin ku ndodhi ngjarja ka shkuar dhe grupi hetimor, i cili po punon për zbardhjen e plotë të saj.
NJOFTIMI I POLICISË:
Tropojë/Informacion paraprak Në qytetin e Bajram Currit, në rrethana ende të paqarta, është dëmtuar në këmbë shtetasi D. Q., 61 vjeç, banues në fshatin Sopot, i cili ka shkuar për ndihmë mjekësore në spitalin e Gjakovës, dhe ndodhet jashtë rrezikut për jetën. Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes.
