DIMAL– Dy të rinj të identifikuar me inicialet R. H., 29 vjeç dhe A. H., 34 vjeç, të dy banues në Dimal janë vënë në prangat e policisë së Fierit pasi dyshohet se në gjendje të dehur kanë dhunuar dy persona dhe kanë sulmuar banesën e një 37-vjeçari. Materialet procedurale i kaluan prokurorisë së rrethit.
NJOFTIMI I POLICISË:
DVP Fier/Vihen në pranga 2 shtetas dhe procedohen penalisht 2 të tjerë, për vepra të ndryshme penale. Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasit R. H., 29 vjeç dhe A. H., 34 vjeç, të dy banues në Dimal, pasi dyshohet se për motive të dobëta, duke qenë në gjendje të dehur, kanë ushtruar dhunë fizike ndaj shtetasit K. D., 27 vjeç, kanë dhunuar banesën e shtetasit A. M., 37 vjeç, si dhe e kanë goditur 37-vjeçarin, me grushte.
Specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi në gjendje të lirë për shtetasit: -E. S., 42 vjeç, banues në Fier, pasi dyshohet se i ka vjedhur portofolin me një shumë parash në të, një shtetaseje; -A. O., 41 vjeç, banues në Fier, pasi dyshohet se për motive të dobëta, ka kanosur me mjet prerës dhe ka goditur me grushte, një shtetas. Materialet proceduarale i kaluan Prokurorisë, për veprime të mëtejshme.
