TIRANË– Një 26-vjeçar i identifikuar me inicialet K.T është vënë nën hetim nga Policia e Tiranës pasi ka prishur qetësinë publike duke kanosur me thikë një 52-vjeçar të identifikuar me inicialet P.Ç. Bëhet me dije se konflikti mes tyre ka ndodhur disa ditë më parë por video u publikuar tani në rrjetet sociale. 57-vjeçari fatmirësisht nuk ka marrë lëndime.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 referuan materialet në Prokurori dhe nisi procedimi penal për shtetasin K. T., 26 vjeç, banues në Tiranë, pasi në rrugën “Medar Shtylla”, ka prishur qetësinë publike dhe ka kanosur me mjet prerës shtetasin P. Ç., 52 vjeç, banues në Tiranë (veprimet hetimore janë kryer duke u bazuar edhe në pamjet filmike të shfaqura në një video të postuar në një media online).
