TIRANË– Dhuna në familje vijon të jetë evidente dhe në këtë fillim viti. Kështu blutë e Tiranës kanë arrestuar në flagrancë një 34-vjeçar të identifikuar me inicialet S.O pasi ushtroi dhunë ndaj bashkëshortes së tij. Ndërkohë për akuzën e dhunës në familje në prangat e policisë së kryeqytetit ka rënë dhe një 27-vjeçar i i identifikuar me inicialet Q.B pasi akuzohet se ka dhunuar bashkëshorten dhe vjehrrin.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 4 arrestuan shtetasin S. O., 34 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 5 arrestuan shtetasin Q. B., 27 vjeç, banues në Tiranë, pasi ka ushtruar dhunë ndaj bashkëshortes dhe vjehrrit të tij.
