TIRANË– Nëntë persona kanë rënë në prangat e policisë së Tiranës këtë të enjtë pasi akuzohen për vepra të ndryshme penale. Në njoftimin e bërë publik për mediat blutë e kryeytetit bëjnë me dije se dy persona janë arrestuar në akuzën e dhunës në familje. Ndërsa një 25-vjeçar i identifikuar me inicilaet I.L është vënë në pranga pasi Gjykata e Tiranës i ka caktuar masën e sigurisë “arrest me burg” për akuzën e prodhimit dhe shitjes së lëndëve narkotike. Një 53-vjeçar i identifikuar me inicialet G.P u arrestua për mashtrim. Ndërkohë një 26-vjeçar i identifikuar me inicialet V.M është arrestuar për akuzën e shkatërrimit të pronës. Po ashtu bëhet me dije se në pranga ka rënë dhe një një 31-vjeçar pasi ka goditur një punonjës policie për shkak të detyrës.
NJOFTIMI I POLICISË:
Tiranë/Vihen në pranga 9 shtetas, për vepra të ndryshme penale.. Specialistët për Hetimin e Narkotikëve arrestuan shtetasit F. P., 25 vjeç dhe M. V., 44 vjeç, të dy banues në Tiranë, pasi gjatë kontrollit fizik, shërbimet e Policisë iu gjetën dhe iu sekuestruan në cilësinë e provës materiale, sasi të vogla lënde të dyshuar narkotike kokainë.
Gjithashtu, specialistët për Hetimin e Narkotikëve ndaluan shtetasin I. L., 25 vjeç, banues në Tiranë, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.
Specialistët për Hetimin e Krimit Ekonomik dhe Financiar ndaluan shtetasin G. P., 53 vjeç, banues në Tiranë, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Mashtrimi”.
Specialistët për Hetimin e Krimeve në Komisariatin e Policisë Nr. 1 arrestuan shtetasit:
– S. M., 55 vjeç, banues në Tiranë, pasi ka ushtruar dhunë ndaj bashkëshortes së tij;
– O. M., 33 vjeç, banues në Tiranë, pasi ka ushtruar dhunë ndaj ish-bashkëjetueses së tij.
Gjithashtu, specialistët për Hetimin e Krimeve në Komisariatin e Policisë Nr. 1 ndalun shtetasin V. M., 26 vjeç, banues në Prishtinë, për veprat penale “Vjedhja”, kryer më shumë se një herë dhe “Shkatërrimi i pronës”.
Specialistët për Hetimin e Krimeve në Komisariatin e Policisë Nr. 3 arrestuan shtetasin D. R., 31 vjeç, banues në Tiranë, pasi ditën e djeshme, në rrugën “Çamëria”, ka goditur për shkak të detyrës, një punonjës policie.
Specialistët për Hetimin e Krimeve të Komisariatit të Policisë Vorë arrestuan shtetasin R. J., banues në Tiranë, drejtues teknik i një firme, pasi në një magazinë që po ndërtohet nga kjo firmë, gjatë montimit të mbulesës së çatisë, ka rënë nga lartësia punëtori, shtetasi A. N., i cili ndodhet në spital, nën kujdesin e mjekëve.
—
Në Komisariatin e Policisë Nr. 5 është paraqitur dhe ka bërë kallëzim shtetasja S. T., 63 vjeçe, banuese në Kamzë, se djali i saj, shtetasi A. T., 40 vjeç, i cili dyshohet se vuan nga probleme të shëndetit mendor, është larguar nga banesa. Punohet për gjetjen e tij.
Materialet i kaluan Prokurorisë, për veprime të mëtejshme.
