KORÇË– Dy persona janë vënë në hetim nga Policia e Korçës këtë të mërkurë pasi akuzohen për vepra të ndryshme penale. Përmes një njoftimi për mediat blutë e Korçës bëjnë me dije e një 32-vjeçar i identifikuar me inicialet K.K është vënë nën hetim pasi ka goditur me sende të forta një grua. Ndërsa një 26-vjeçar i identifikuar me inicialet S.K është proceduar penalisht pasi ka dëmtuar parcelën e bashkëfshatarit.
NJOFTIMI I POLICISË:
DVP Korçë Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasit: -K. K., 32 vjeç, banues në Korçë, pasi në fshatin Drenovë, Korçë, dyshohet se ka goditur me sende të forta, një 59-vjeçare; -S. K., 26 vjeç, banues në fshatin Qatrom, Korçë, pasi dyshohet se ka dëmtuar parcelën në pronësi të një shtetasi, në fshatin Qatrom.
