SHKODËR– Një 34-vjeçar i identifikuar me inicialet N.P është vënë në prangat e policisë së Shkodrës këtë të hënë pasi ka dhunuar prindërit. Përmes një njoftimi për mediat blutë e Shkodrës bëjnë me dije se i riu pasi ka dhunuar prindërit ka thyer orenditë shtëpiake. Po ashtu atij iu gjet dhe një sasi e vogël lënde narkotike e llojit kanabis.
NJOFTIMI I POLICISË:
Ushtroi dhunë ndaj prindërve të tij dhe dëmtoi orenditë shtëpiake, vihet në pranga 34-vjeçari. Gjatë kontrollit fizik, 34-vjeçarit iu gjet një sasi kanabisi. Specialistët për Hetimin e Krimeve të Komisariatit të Policisë Vau i Dejës kanë arrestuar shtetasin N. P., 34 vjeç, pasi ka ushtruar dhunë ndaj prindërve të tij dhe ka dëmtuar orenditë shtëpiake. Gjatë kontrollit fizik, shërbimet e Policisë i gjetën shtetasit N. P., një sasi të vogël lënde narkotike kanabis, e cila u sekuestrua në cilësinë e provës materiale. Materialet procedurale u referuan në Prokurori, për veprime të mëtejshme.
