KORÇË– Një 38-vjeçar i identifikuar me inicilaet G.Ç është shpallur në kërkim nga policia për akuzën e dhunës. Raportohet se 38-vjeçari ka hyrë në një lokal dhe ka rrahur ish-bashkëjetuesen e tij. Ngjarja ka ndodhur në pak sekonda dhe menjëherë pas veprimit ai është arratisur. Policia është vënë në kërkim të tij ndërkohë po hetohet për zbardhjen e plotë të rrethanave të ngjarjes.
NJOFTIMI I POLICISË:
Specialistët për Hetimin e Krimeve të Komisariatit të Policisë Korçë referuan materialet në Prokurori dhe shpallën në kërkim shtetasin G. Ç ., 38 vjeç, banues në fshatin Dishnicë, Korçë, pasi dyshohet se në ambientet e një lokali, ka ushtruar dhunë ndaj ish-bashkëjetueses së tij. Materialet procedurale i kaluan prokurorive të rretheve gjyqësore Korçë e Pogradec, për veprime të mëtejshme.
