KORÇË– Dy persona kanë rënë në prangat e policisë së Korçës këtë të premte pasi akuzohen për vepra të ndryshme penale. Raportohet se në pranga ka rënë një 19-vjeçar i identifikuar me inicilate F.M pasi u kap në flagrancë duke drejtuar mjetin pa leje drejtimi. Ndërsa një 41-vjeçar u kap duke i dhënë makinës në gjendje të dehur. Ndërkohë blutë e Korçës në deklaratën zyrtare bëjnë me dije se është arrestuar dhe një 41-vjeçar i identifikuar me inicialet E.G pasi ka dhunuar fiizkisht dhe psikologjikisht bashkëshorten e tij, e cila ishte e pajisur me urdhër mbrojtjeje.
NJOFTIMI I POLICISË:
DVP Korçë/Vihen në pranga 3 shtetas, për vepra të ndryshme penale. Specialistët e Trafikut Urban dhe Interurban të DVP Korçë arrestuan në flagrancë për veprën penale “Drejtimi i automjeteve në mënyrë të parregullt”, shtetasit: – F. M., 19 vjeç, banues në Korçë, pasi në qytet u kap duke drejtuar automjetin tip “Benz”, pa leje drejtimi; – H. M., 41 vjeç, banues në Korçë, pasi në aksin rrugor Korçë-Pogradec, pranë fshatit Vashtëmi, u kap duke drejtuar automjetin tip “Seat”, në gjendje të dehur.
—
Specialistët për Hetimin e Krimeve të Komisariatit të Policisë Kolonjë arrestuan në flagrancë shtetasin E. G., 41 vjeç, banues në fshatin Selenicë, Kolonjë, për veprën penale “Dhuna në familje”, pasi në banesë dyshohet se ka ushtruar dhunë fizike e psikologjike ndaj bashkëshortes së tij, për të cilën u plotësua kërkesë-padia për lëshimin e urdhrit të mbrojtjes së menjëhershme. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
