DURRËS– Dy persona kanë përfunduar në prangat e policisë së Durrësit këtë të mërkurë pasi akuzohen për veopra të ndryshme penale. Përmëes një njoftimi për mediat blutë e qytetit bregdetar bëjnë me dije se një 29-vjeçar i identifikuar me inicialet I.S nga Laçi është arrestuar pasi pas kontrollit të mjetit me të cilin lëvizte policia gjeti një thikë. Ndërsa një 47-vjeçar i identifkuar me inicialet G.A u vu në pranga pasi dyshohet se ka ngacmuar seksualisht një 17-vjeçare.
NJOFTIMI I POLICISË:
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin I. S., 29 vjeç, banues në Laç, pasi gjatë kontrollit të ushtruar nga shërbimet e Policisë, në automjetin që ky shtetas drejtonte, iu gjet një mjet prerës (thikë) dhe një karikator plastik, të cilat u sekuestruan në cilësinë e provës materiale.
Specialistët për Hetimin e Krimeve të Komisariatit të Policisë Shijak arrestuan në flagrancë shtetasin G. A., 47 vjeç, banues në Xhavzotaj, Shijak, pasi ka kallëzuar një 17-vjeçare se ky shtetas e ka ngacmuar seksualisht. Vijojnë veprimet hetimore për verifikimin e këtij kallëzimi. Materialet procedurale i kaluan Prokurorisë, për veprime të mëtejshme.
