FIER– Dy persona kanë rënë në prangat e policisë së Fierit pasi akuzohen për vepra të ndryshme penale. Raportohet se një 47-vjeçar i identifikuar me inicialet A.D është arrestuar pasi ka goditur për shkak të detyrës një punonjës policie. Ndërkohë në Ballsh një 39-vjeçar i identifikuar me inicialet E.B është arrestuar pasi ka thyer masën e sigurisë “arrest shtëpie” dhënë nga Gjykata për kalim të paligjshëm të kufirit.
NJOFTIMI I POLICISË:
Fier/Specialistët për Hetimin e Krimeve të Komisariatit të Policisë Fier arrestuan në flagrancë shtetasin A. D., 47 vjeç, banues në Fier, pasi ka kundërshtuar me dhunë, punonjësit e Policisë, gjatë përmbushjes së një procedure standarde pune.
Specialistët për Hetimin e Krimeve të Komisariatit të Policisë Mallakastër arrestuan në flagrancë shtetasin E. B., 39 vjeç, banues në Ballsh, për veprën penale “Largimi i të burgosurit nga vendi i qëndrimit”, pasi është konstatuar nga shërbimet e Policisë, në një lokal, ndërkohë që ishte me masë sigurie “Arrest në shtëpi”, për dhënie ndihmë për kalim të paligjshëm të kufirit.
