TIRANË– Dy persona kanë rënë në prangat e Policisë së Tiranës pasi akuzohen për dhunë në familje dhe grabitje me dhunë. Përmes një njoftimi për mediat blutë e kryeqytetit bëjnë me dije se një 31-vjeçar është arrestuar pasi ka dhunuar bashkëshorten e tij. Ndërsa një 54-vjeçar është vënë në pranga pasi në bashkëpunim dhe me një person tjetër është konfliktuar me një person dhe i ka marrë atij me forcë varësen në qafë.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 5 arrestuan shtetasin 31 vjeçar, banues në Paskuqan, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 6 arrestuan shtetasin 54 vjeçar, banues në Tiranë, pasi në bashkëpunim me një shtetas tjetër, ende të paidentifkuar, janë konfliktuar fizikisht me shtetasi 25 vjeç, dhe më pas i kanë marrë me forcë atij, varësen që mbante në qafë. Materialet i kaluan Prokurorisë pranë Gjykatës së Shkallës së Parë të Jurifiksionit të Përgjithshëm Tiranë, për veprime të mëtejshme procedurale.
