TIRANË– Katër persona kanë rënë në prangat e Policisë së Tiranës këtë të shtunë pasi akuzohen për vepra të ndryshme penale. Përmes një njoftimi për mediat blutë e kryeqytetit bëjnë me dije se një 62-vjeçar i identifikuar me inicialet Q.O ka dhunuar dhe më pas përdhunuar bashkëjetuesen e tij.
Ndërsa një 26-vjeçar i identifikuar me inicialet D.L u vu në pranga pasi pas kontrollit fizk efektivët i gjetën një sasi të vogël lënde narkotike. Ndërkohë dy të tjerë sipas Policisë janë arrestuar për dhunë në familje dhe shkelje e masës së sigurisë dhënë nga Gjykata.
NJOFTIMI I POLICISË:
Tiranë Specialistët për Hetimin e Narkotikëve arrestuan shtetasin D. L., 26 vjeç, banues në Tiranë, pasi gjatë kontrollit fizik shërbimet e Policisë i gjetën dhe sekuestruan sasi të vogël lënde të dyshuar narkotike kokainë.
Specialistët për Hetimin e Krimeve të Komisariatit të Policisë Nr. 1 arrestuan shtetasin A. P., 27 vjeç, banues në Tiranë, pasi ka shkelur masën e sigurisë “Arrest në shtëpi”.
Specialistët për Hetimin e Krimeve të Komisariatit të Policisë Nr. 2 arrestuan shtetasin Q. O., 62 vjeç, banues në Tiranë, pasi dyshohet se ka ushtruar dhunë ndaj bashkëjetueses së tij dhe ka kryer marrëdhënie seksuale me të, pa dëshirën e saj.
Specialistët për Hetimin e Krimeve të Komisariarit të Policisë Nr. 3 kapën shtetasin në kërkim Denis Bregu, 34 vjeç, banues në Tiranë, pasi Gjykata e Shkallës së Parë Tiranë e ka dënuar me 2 vjet burgim, për veprat penale “Dhunë në familje” dhe “Veprime në kundërshtim me vendimin e gjykatës”.
