KUÇOVË– Drejtori i Përgjithshëm i Agjencisë Shtetërore të Kadastrës Artan Lame ka shkarkuar nga detyra kreun e Kadastres së Kuçovës për shkelje të rënda në punë. Vendimi mësohet se është marrë që të enjten e kaluar pas një mbledhjeje partie të zhvilluar në selinë e Partisë Socialiste. ‘News 24’ raporton se mbledhja u shoqërua me debate dhe konfrontime verbale të shumta.
Raportohet se shkarkimi i Doksanit ka ardhur pas disa shkeljeve të kryera në punë duke mos ekzekutuar disa vendime gjykate të formës së prerë për regjistrimit e disa banesave e truallit në rrethin e Kuçovës. Pas shkarkimit nga detyra të Doksanit pritet të emërohet drejtori i ri që është Shkëlqim Braushi. Doksani drejtonte Kadastren e Kuçovës prej 3-vitesh.
