Laporta: Kapitulli i Messit te Barcelona nuk ka përfunduar, jam borxhli ndaj tij
Presidenti i Barcelonës, Joan Laporta, nëpërmjet një deklarate të bërë së fundmi, ka bërë tifozët katalanas të ëndërrojnë.
Numri 1 i klubit spanjoll, është shprehur se kapitulli i Leo Messit me Barcelonën nuk është mbyllur, ndërsa shton se është borxhli ndaj tij.
Mendoj dhe besoj se kapitulli i Leo Messi me Barcelonën nuk ka përfunduar. Ne kemi përgjegjësinë, që ai të ketë një fund ndryshe, nga ajo që ishte një vit më parë.
Si president i Barcelonës, besoj se kam bërë atë që është dashur, por pavarësisht kësaj, mendoj se jam moralisht borxhli ndaj tij.
Kujtojmë se Messi u largua nga Barcelona një vit më parë, pasi i kishte përfunduar kontrata dhe firmosi me skuadrën e PSG në Francë.
