TIRANË– Kryetari i Partisë Demokratike Sali Berisha ka mbledhur grupin e PD në7 selinë blu pak para nisjes së seancës plenare të kësaj të enjteje. Gjatë fjalës së tij ai u ndal dhe tek Masakra e Lumës por u ndesh me një lapsus të vogël që iu desh ndihma e deputetëve që ta korrigjonte shpejt. Teksa fliste për Masakrën e Lumës ai ngatërroi vitin duke thënë 2013 dhe jo 1913. Me sa duket Berisha ende nuk e ka harruar vitin 2013 dhe ikjen nga pushteti ku jo rrallë herë ka akuzuar kryeministrin Edi Rama për masakra elektorale gjatë këtyre 9 viteve.
Sali Berisha: Genocidi serb ka hyrë në traktatet monografikë të genocideve si Genocidi i Lumës. Aty në Lumë, në vitin 2013, më falni. Po, në vitin 2013, kanë krye krimet më monstruoze, në një fshat kanë djegur e ekzekutuar mbi 600 banorë, në Topojan. Në Pobreg mbi 420. Barbaritë serbe në Lumë dhe zonat përreth kanë tronditur botën në atë kohë. Komisioni i krijuar, i përbërë nga personalitetet më të shquar, ka konkluduar se barbaritë e Lumës ngjiten në nivelin e Genocidit, janë genocid.
Deputetët: 1913
Sali Berisha: Edi Rama bllokon…
Deputetët: 1913
Sali Berisha: Pse, sa thashë unë?
Deputetët: 2013
Sali Berisha: Aaa, më falni, 1913, në tetor, në vjeshtën e 1913-s.
