TIRANË– Kryeministri Edi Rama ka sqaruar arsyet e largimit nga detyra të ish-kreut të Shërbimit Infornmativ Shtetëror Helidon Bendo. Në një postim në Facebook ku shfaq krah Bendos kreu i qeverisë shkruan se shkarkimi i tij erdhi si pasojë e angazhimeve që ai ka marrë në SHBA ku dhe po trajnohet. Ndërkohë Rama bëri të ditur dhe pozicionin e ri që Helidon Bendo do të marrë. Kështu kryeministri ka bërë me dije se Helidon Bendo do të emërohet këshilltar i kryeministrit për reformën e institucioneve të sigurisë.
“Me HELIDON BENDON, Drejtorin e Shërbimit Informativ të Shtetit, i cili për arsye të vazhdimit të studimeve pasuniversitare në Kolegjin e Studimeve Ndërkombëtare e të Sigurisë, pranë Universitetit Kombëtar të Mbrojtjes në Shtetet e Bashkuara, ka dorëzuar dorëheqjen. Ai do të angazhohet në vijim si këshilltar i kryeministrit për reformën e institucioneve të sigurisë”, shkruan Rama.
