TIRANË– Ish-kryebashkiaku i Bulqizës Lefter Alla ka kërkuar sërish lirimin nga burgu. Mësohet se avokatët e Allës kanë dorëzuar në Gjykatën e Posaçme Kundër Korrupsionit dhe Krimit të Organizuar një kërkesë për një masë më të lehtë sigurie se ajo e arrestit me burg. Sipas avokatit Hysni Demiraj gjatë një kontrolli të bërë për gjendjen shëndetësore ka rezultuar se ish-kryebashkiaku nuk është në gjendje të mirë për të përballuar burgun. Por seanca e parashikuar të mbahej këtë të hënë është shtyrë. Seanca e radhës është parashikuar të mbahet më 29 korrik orën 13:30.
LefterAlla u arrestua nga Prokuroria e Posaçme Kundër Korrupsionit dhe Krimit të Organizuar (SPAK) pasi akuzohet për veprën penale të “shkeljes së barazisë së pjesëmarrësve në tendera apo ankande publike” dhe “Shpërdorimi i detyrës”.
