CËRRIK– Kur na ndajnë më pak se një muaj nga zgjedhjet vendore të 14 majit dhe fushata elektorale është intensifikuar me sa duket kanë nisur dhe “sabotimet” e para të takimeve të kundërshtarëve. Një rast i tillë është denoncuar nga kandidati i koalicionit “Bashkë Fitojmë” për bashkinë e Cërrikut, Servet Duzha, i cili përmes një postimi në rrjete sociale ka denoncuar një rast flagrant ku sipas tij OSHEE ka ndërprerë energjinë elektrike në fshatin Shtëpanj ku po zhvillohej dhe takimi i tij me banorët.
Sipas Duzhës një veprim i tillë nuk e ndal atë që ai e cilëson si “uragani i fitores”. Por ndërpreja e energjisë nuk e ka lënë përgjysmë takimin. Siç shihet dhe në fotot e publikuara dhe pse në errësirë ai ka vijuar normalisht ku Duzha ka paraqitur dhe planin e tij për bashkinë. Siç thekson dhe vetë ai ndër proritete e tij janë:
- Mbështetja e fermërëve.
- Infrastruktura rrugore
- Arsimi…
” Të tmerruar nga pjesmarrja e madhe në takimin e fshatit Shtëpanj, pushteti vendor dhe tutelat e tij në OSHEE fikin ne qëllim dritat! Frika po ju tmerron dhe lepri në bark nuk ju lë të qetë! Të jeni të sigurt se fundi është vetëm pak ditë larg! Nuk e ndaloni dot Shtëpanjën, e keni të kot, ata do të japin leksion tek kutia e votimit. Prisni datën 14 Maj! Shtëpanja meriton vëmendje dhe do ketë vëmendje”, shkruan Duzha krahas fotove të takimit.
POSTIMI I PLOTË:
- Premtoj sistemimin e kanaleve vaditëse dhe ujitjen e tokave bujqësore;
- Premtoj hapjen dhe sistemimin e rrugëve të arave;
- Premtoj ndërtimin e çative falas për pallatet e Shtëpanjës dhe Banjës;
- Premtoj heqjen e tarifave vendore për ndërtimin e çative dhe restaurimeve për çdo ndërtim;
- Ndihmë ekonomike për familjet pa tokë bujqësore;
