Lëviste i armatosur me kallashnikov, arrestohet i riu në Elbasan

Policia e Elbasanit ka vënë në pranga 20-vjeçarin, i identifikuar si Stiven Faqolli pasi u kap duke lëvizur i armatosur me kallashnikov. Sipas njoftimit të Policisë arrestimi i të riut u bë i mundur pas informacioneve se ky shtetas po lëvizte në fshatin Qukës me kallashnikov.Në çantën e tij pas kontrolleve iu gjet arma e zjarrit dhe municion ushtarak. 20 vjeçari do të përballet me veprën “Mbajtja pa leje dhe prodhimi i armëve, armëve shpërthyese dhe municionit”.