DEVOLL– Një 19-vjeçar i identifikuar me inicialet Th.Th është vënë në prangat e Policisë së Devollit këtë të shtunë pasi u kap duke qarkulluar me thikë me vete si dhe me dokumente të falsifikuara. Efektivët i kanë bërë shenjë ndalimi automjetit në të cilin i riu udhëtonte si pasagjer dhe pas kontrollit fizik u konstatua se 19-vjeçari mbante thikë me vete dhe lëvizte me dokumenbte të huaja të falsifikuara. Daokumentet së bashku me thikën u sekuestruan në cilësinë e provës materiale.
NJOFTIMI I POLICISË:
Specialistët për Hetimin e Krimeve të Komisariatit të Policisë Devoll arrestuan në flagrancë shtetasin Th. Th., 19 vjeç, banues në Bilisht, Devoll. Shërbimet e Policisë, në qytetin e Bilishtit, i kanë bërë me shenjë për të ndaluar një automjeti, me të cilin 19-vjeçari, po lëvizte si pasagjer. Gjatë kontrollit fizik të ushtruar shtetasit Th. Th., iu gjet një armë e ftohtë (thikë) dhe disa dokumente të huaja të dyshuara të falsifikuara, të cilat u sekuestruan në cilësinë e provës materiale.
