LEZHË– Lezha është një nga qarqet më të prekura si pasojë e motit të keq që ka “mbërthyer” vendin prej pesë ditësh. Reshjet e dendura të shiut, të cilat shkaktuan përmbytje masive të tokave bujqësore dhe bllokimin e rrugës kanë sjellë dëme të mëdha tek fermerët dhe banorët e zonave të prekura. Duke folur për mediat ata shprehen të zhgënjyer pasi sipas tyre teksa dëmi është i pallogaritshëm asnjë nga institucionet shtetërore nuk ka shkuar ti pyesë.
“Nuk vjen kush për të na parë se çfarë na ka ndodhur në këtë situatë. Dëmi është i pallogaritur se janë 5 dylym ullinj në ujë. Llogarite sa e ka koston një ulli për tu blerë dhe për tu vjelur, edhe për të shkuar në 4-vjeçar. Janë hapur kanale dhe uji në vend se të kalojë 400 metra, shkon 1 km e gjysmë me dal në kanalin kryesor”, tha njëri nga banorët.
