LEZHË: Këtë të mërkurë policia e Lezhës ka bërë të mundur kapjen e dy personave që transportonin me qëllim shitjen e mallrave të papajisura me kupon tatimor. Si rezultat i administrimit të informacioneve nga blutë e Lezhës janë ndaluar për kontroll 2 automjete ku si pasojë janë sekuestruar sasi të konsiderueshme mallrash dhe produktesh (artikuj industrialë, tekstile dhe vegla të ndryshme pune) me vlerë rreth 1 000 000 lekë të rinj, të papajisura me dokumentet e nevojshme fiskale, të cilat dyshohet se do të shiteshin në Tiranë. Në vijim të veprimeve procedurale për këtë rast, u referuan materialet në Prokurori, për verifikime të mëtejshme, për shtetasit I. Sh., 40 vjeç dhe V. D., 39 vjeç, të dy banues në Kukës, për veprat penale “Fshehja e të ardhurave” dhe “Mospagimi i taksave dhe i tatimeve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
