TIRANË- Zhvillohet sot komisioni ligjor i cili u mbajt për Programin e Zhvilimit Rural të Instrumentit për Asistencën e Paraantarësimit, ku deputeti Gazment Bardhi u shpreh se shpërndarja e vlerave nga programi i dytë është shpërdoruar nga disa individë që sipas tij nuk kanë lidhje më sektorin e bujqësisë dhe kanë përfituar 310 mijë euro. Bardhi ndër të tjerë u shpreh për abuzim në fonde publike dhe se këta persona janë në kërkim nga drejtësia për korrupsion.
“Në fakt drejtoresha mos gaboj tha nëse keni raste kontrete shkoni te rubrika denonco. Unë nuk do shkruaj të kjo rubrikë por është një rast që është bërë publik tashmë me dokumenta falë investigimit të medias. Bëhet fjalë për perfitimin nga projekti i dytë. Pra jemi tek i treti por bëhet fjalë për projektin para këtij, e një vlere prej 310 mijë euro nga kompania e inceneratorit të Tiranës pronarët e të cilës sot janë në kërkim për pastim parash korrupsion dhe abuzime me fonde publike. Bëhet fjalë për një serë që është financuar me fondet tuaja pra nga projekti i dytë në Tiranë ju e keni verifikuar këtë rast dhe cfarë ka rezultuar dhe si është e mundur që dy a tre individ që nuk janë të specializuar arrijnë të përfitojnë kriteret duke përfituar 310 mijë euro ndërkohë që fermerët që punojnë cdo ditë në këtë sektor dhe krahasimi që ka bërë investigimi përkatës, më 1 fermer që është detyruar të largohet nga vendi për shkak se ka aplikuar për financim tek ju për disa metra distancë me banesën i është refuzuar aplikimi. Ndërkohë që disa individë anonim që nuk merren fare me këtë sektor dhe që opinioni publik i njeh si hajdutët e inceneratorëve që kanë përfituar miliona euro nga buxheti , arrijnë të depërtojnë te fondi juaj dhe arrijnë të përfitojnë 310 mijë euro t’i marrin këto para ndërkohë që të tre janë në kërkim.Ka shumë rëndësi sesi intitucionet shtetërore më konkretisht ajo i juaji të bëjë shpërndarjen apo shpërdorimin e këtyre vlerave Shkojnë vërtet në ndihmë të fermerëve apo shkojnë në ndihmë të mafiozëve kudo ku shikojnë ndonjë vrimë ku mund të merren para nga buxheti i shtetit fusin dorën dhe me një lirshmëri arrijnë të marrin para fermerëve”, tha Bardhi.
Drejtoresha Eranda Selmanaj e Agjencisë për Zhvillim Bujqësor dhe Rural u përgjigj duke u shprehur se investimi i serës është verifikuar dhe se sera është në funksion sipas procedurës ligjore të ndjekur nga AZHBR-ja.
‘Investimi i serës është verifikuar nga cdokush që e shikon dhe financimi është kryer me procedurë të programit. Ne kemi bërë edhe një njoftim publik me të gjithë procesin procedurial të ndjekur për finanicimin e kësaj sere. Aplikanti kryhen aktivitet, sera është në funksion sipas procedurës ligjre e ndjekur nga AZHBR-ja. Duhet ta verifikoj do ua dërgoj me shkrim”, tha Drejtoresha.
