Ditën e sotme Marsela Pushani ka dalë para Gjykatës ku pas vrasjes së të motrës, iu dha masa arrest me burg. Marsela tha se nuk ka dashur kurrë ta vriste të motrën, por krimin e ka kryer në kapërcim të mbrojtjes së nevojshme. Ajo mendon se e motra ka vdekur nga alkooli, jo nga goditja me thikë. Marsela shton se për të motrën do të jepte jetën. Pushani gjithashtu tha se e motra pinte shumë alkool deri në dy litra në ditë dhe se vetë ajo dëshiron që Gjykata t’i caktojë një vendim më të lehtë sepse ka mamanë shumë sëmurë dhe i duhet të qëndrojë pranë saj.
Fjalët e Marsela Pushanit në Gjykatë:
“Unë nuk do doja kurrë ta vrisja motrën, vazhdoj të mendoj që s’ka vdekur nga thika dhe goditja por qe ka vdekur nga alkooli. Unë për motrën do jepja jetën dhe do doja të kisha vdekur unë. Kam mamanë shumë të sëmurë, nuk desha ta vras motren, ajo pinte shumë alkool deri në dy litra në ditë.”
