BRUKSEL– Kryeministri Edi Rama ka reaguar sërish sa i përket lirimit të tre efektivëve të Policisë së Kosovës të cilët u liruan nga burgu pas rrëmbimit nga forcat speciale serbe më 14 qershor. Nga Brukseli ku u takua me Presidentin e Këshillit Europian Charles Michel, Rama shkruan në rrjetet sociale se lirimi i tyre ishte një lajm i mirë por megjithatë i vonuar. Po ashtu ai ka bërë thirrje për de-eskalim të situatës dhe uljen në tryezën e dialogut të palëve.
POSTIMI:
Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar! Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë, duhet kuptuar qartë nga të dyja palët edhe si një detyrim madhor ndaj krejt rajonit, i cili nuk mund të merret peng nga askush.
Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar!
Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për… pic.twitter.com/k5YFtUn6Jn
— Edi Rama (@ediramaal) June 26, 2023
