TIRANË– Kryetari i Partisë Demokratike Sali Berisha ka reaguar këtë të hënë pas lirimit të tre eferktivëe që ishin rrëmbyer nga forcat speciale serbe. Përmes një deklarate për mediat ai shprehet se vendimi i sotëm nga ana e Serbisë ishte një vendim politik ndërsa dënoi qëndrimin e kryeministrit Edi Rama në raport me Prishtinën zyrtare, duke theksuar se ai ka bërë ndërhyrje brutale në punët e brendshme të Kosovës.
Sali Berisha: Zbardhja e të vërtetës mbi këtë akt dhe ndëshkimi i organizatorëve të këtij akti të pashembullt është i domosdoshëm në mënyrë që histori të tilla të mos përsëriten më. Nga ana tjetër u bëj thirrje autoriteteve të Kosovës duke mbështetur plotësisht të drejtën e tyre për vendosjen e ligjit, rendit dhe sigurisë në të gjithë territorin e tyre. Të bëjnë përpjekje për shtensionimin e situatës, rikthimin te dialogu dhe marrëveshjen e Ohrit. Çdo shqiptar duhet ta ketë të qartë se marrëveshja e mirë është interesi më i mirë dhe më i madh, i Kosovës dhe Kombit shqiptar. Marrëveshja nuk i intereson Aleksandër Vuçiç dhe Serbisë. Në këtë kuadër përpjekjet e mëdha të muajve të fundit japin shpresë që mbi bazën e dokumentit të Ohrit apo planit franko gjerman të arrihet një marrëveshje për normalizimin e marrëdhënieve dhe më pas njohjen reciproke. Jam këtu për të dënuar me forcën m të madhe ndërhyrjen brutale në punët e brendshme të Kosovës, të Edi Ramës. Sulmet ndaj qeverisë Së Kosovës. Përpjekjet Don kishoteske për të marrë një rol të caktuar. I kujtoj shqiptarëve dhe komunitetit ndërkombëtar se Edi Rama ka një përgjegjësi të madhe dhe direkte në bllokimin e zhvillimeve pozitive dhe zgjidhjes së problemeve mes Kosovës dhe Serbisë. Me ardhjen e tij në pushtet Rama u bë krah i Millosheviçit dhe planit të tij për Serbinë e madhe
