Ende pa mbushur 24 orë Milan Radojiçiç është liruar nga burgu.
Mësohet se atij i ndalohet hyrja në Kosovë dhe largimi nga shteti serb.
Mediat serbe shkruajnë se Gjykata në Serbi ka refuzuar kërkesën e Prokurorisë për caktimin e paraburgimit për Milan Radojiçiçin.
Sipas këtij vendimi, Radojiçiç “s’ka të drejtë të futet në Kosovë dhe të largohet nga Serbia pa miratim të Gjykatës“. Ai gjithashtu është i detyruar të paraqitet në koisariat në datat 1 dhe 15.
Gjithashtu, i është konfiskuar pasaporta serbe, dhe i është tërhequr vërejtja se mund të ndalohet nëse shkel ndonjërën nga këto masa dhe obligime.
