Luizi dhe Kiara janë një ndër çiftet më të përfolura të showbizit shqiptar që pas përfundimit të formatit Big Brother 2. Mbrëmjen e djeshme mamaja dhe babai i moderatores kanë festuar 30-vjetorin e martesës dhe kanë organizuar një festë ku kanë mbledhur të gjithë familjarët e tyre. Kiara shfaqet e veshur me një fustan të gjatë të verdhë, ndërsa Luizi me një kostum të zi. Në videot dhe fotot e publikuar nga festa Kiara shihet me një bark paksa të rrubullakosur duke u aluduar kështu se çifti do të bëhen prindër së shpejti.
Ishte vetë Luizi ai, i cili i hodhi poshtë këto aludime duke u shprehur se kjo gjë nuk është e vërtetë sepse partnerja e tij nuk ka shfaqur asnjë shenjë shtatzanie. Ja si shprehet ai:
“Këtu nuk kemi test shtatzënie, por nuk ka shfaqur shenja, kështu të vjella e gjëra, Kiara nuk është shtatzënë”
Kjo nuk është hera e parë që moderatorja përflitet për një shtatzani të mundshme, sepse edhe në pushimet e saj në Turqi u aludua e njejta gjë, por vetë çifti sqaroi për publikun me anë të një video-live në “Instagram” se asgjë nuk është e vërtetë.
