TIRANË– Debat i ashpër dhe me fyerje personale ishte ai mes kryeministrit Edi Rama dhe deputetit të Partisë Demokratike Gazment Bardhi. Debati prevaloi pas akuzave të Bardhit se mazhoranca po tenton të kapë Gjykatën Kushtetuese me emërimin e Ardian Dvoranit si anëtarë në GJK si dhe akuzoi kreun e qeverisë që duke përdorur oligarkët po shantazhon dhe blenë deputetët e opozitës.
Kaq ka mjaftuar që Rama të dilte nga vetja dhe të “shpërthente” në një lumë fyerjesh ndaj Gazment Bardhitr të cilit iu drejtua me fjalët palaço cirku, zagar dhe pis. Ndërkohë deputeti demokrat i thoshte gjatë gjithë kohës mafioz dhe legen. Pas debatit drejtuesja e seancës Ermonela Felaj e përjashtoi Bardhin nga seanca.
DEBATI:
Edi Rama: Palaço cirku
Gazment Bardhi: Palaço je vetë
Ermonela Felaj: Vetëpërmbahuni në diskutime, mos flisni nga vendi
Edi Rama: Shani dhe akuzoni njerëz, cilën qetësi humba, kollaj është ti thuash qe je mafioz dhe kërcënon njerëz dhe s’ke asnjë provë
Gazment Bardhi: Je mafioz
Edi Rama: Për cilët emra duhet të përgjigjem palaço
Gazment Bardhi: Je legen mafioz,
Edi Rama: Je në gjendje t’ia vësh figurën një cirku gënjeshtrash, akuzash dhe fantazish, s’ke turp
Gazment Bardhi: Ruaj qetësinë mafioz
Edi Rama: Nuk jam palco që të ruaj qetësinë kur më thonë të pavërteta.
Edi Rama: Më duhet t’ia shpjegoj fëmijëve të mi që je një palaço cirku, ik ore zagar
