Është goditur një tjetër rast i futjes së mallrave të kontrabanduara nga Policia e Durrësit duke vënë në pranga një 30 vjeçar. I riu kishte magazinuar mijëra produkte kozmetike të kontrabanduara. Gjatë kontrollit në magazinën në lagjen nr.14 atij iu gjetën 1830 produkte kozmetike (kremra dhe vajra për përdorim në plazh) të dyshuara të kontrabanduara, për shkak se nuk ishin të shoqëruara me faturat përkatëse doganore apo të origjinës. Dyshohet se këto produkte ishin magazinuar me qëllim tregtimin me pakicë në dyqane të ndryshme.
