Një aksident është raportuar mbrëmjen e sotme në Tiranë.
Bëhet me dije se autobusi i linjës së ‘Unazës’ është përplasur nga një automjet në rrugën ‘Bardhyl’.
Automjeti më pas ka përplasur edhe një makinë tjetër, teksa ka qenë duke bërë një parakalim të gabuar.
Deri më tani nuk raportohet për të lënduar, por vetëm dëme materiale.
“Më datë 05.09.2023, në Rrugën Bardhyl, shtetasi R. M., duke drejtuar automjetin e tij, dyshohet se ka kryer parakalim të gabuar dhe është përplasur me një automjet të parkuar dhe me autobusin e linjës së Unazës, me drejtues shtetasin B. K. Si pasojë e përplasjes ka vetëm dëme materiale.” – njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
