BULQIZË– Një aksident është regjistruar paraditën e kësaj të marte në Njësinë Administrative Shupenzë në Bulqizë. Raportohet se një makinë ka humbur kontrollin dhe ka dalë nga rruga duke përplasur një këmbësor që po kalonte. I plagosuri është dërguar menjëherë në spital dhe ndodhet nën kujdesin e bluzave të bardha.
NJOFTIMI I POLICISË:
Bulqizë/Informacion paraprak Rreth orës 09:40 në njësinë administrative Shupenzë shtetasi L.C., duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga. Si pasojë ka mbetur i lënduar shtetasi A.M., (këmbësor), i cili është dërguar për ndihmë mjekësore në spital. Në vendngjarje ndodhet grupi hetimor, i cili po punon zbardhjen e rrethanave të aksidentit.
