VLORË– Një makinë është përmbysur pasditën e kësaj të diele në aksin rrugor Vlorë-Kuç. Sipas Policisë makina Volswagen rezulton në pronësi të një personi nga Fieri por që dyshohet se është marrë me qira nga njjë vazjë, kjo e fundit pas aksidentit është larguar nga vendi i ngjarjes bashkë me pasagjeren në mjet. Deri më tani nuk janë paraqitur në asnjë spital apo qendër shëndetësore për të kërkuar ndihmë mjekësore. Blutë e qyytetit bregdetar po hetojnë shkaqet e aksidentit dhe po punojnë për identifikimin e shoferes.
NJOFTIMI I POLICISË:
Vlorë/Informacione paraprake Më datë 13.08.2023, në aksin rrugor Vlorë-Kuç, ka dalë nga rruga (është përmbysur) një automjet tip “Volskwagen”. Në vendin e ngjarjes nuk janë konstatuar persona dhe nga verifikimet paraprake të kryera, rezulton se automjeti është në pronësi të shtetasit L. R., banues në Fier, dhe dyshohet se është marrë me qira nga një shtetase. Po nga verifikimet paraprake të kryera, dyshohet se automjeti drejtohej nga një shtetase e cila është larguar nga vendi i ngjarjes me një automjet të rastit, së bashku me një shtetase tjetër, pasagjere në automjet. Në lidhje me këtë rast, deri tani, nuk është paraqitur për ndihmë mjekësore asnjë person i dëmtuar.
