LEZHË– Një aksident i rëndë është regjistruar pak minuta më parë në aksin Lezhë-Shkodër. Raportohet se një makinë dalë nga rruga dhe për pasojë kanë mbetur të plagosur dy persona.
Ata janë dërguar menjëherë në spital dhe ndodhen nën kujdesin e bluzave të bardha. Mësohet se një prej tyre është në gjendje të rëndë.
Policia ka mbërritur në vendin e ngjarjes bashkë me grupin hetimor, i cili po punon për zbardhjen e shkaqeve të aksidentit.
