KORÇË– Një aksident i rëndë është regjistruar mesditën e kësaj të premteje në aksin nacional Korçë-Pogradec në afërsi të fshatit Çiflig. Raportohet se një makinë në të cilën udhëtonin dy vëllezër ka dalë nga rruga duke përfunduar jashtë saj. Për pasojë dy vëllezërit kanë mbetur të plagosur.
Ata janë dërguar menjëherë në spitalin e Korçës ku ndodhen nën kujdesin e bluzave të bardha. Mësohet se njëri prej tyre ndodhet në gjendje të rëndë shëndetësore për shkak të plagëve të marra.
