SHKODËR-Aksident me vdekje në Shkodër. Raportohet se mbrëmjen e djeshme në vendin e quajtur “Muri i Kalasë” një 28-vjeçar duke drejtuar mjetin e tij tip “Dayang” ka dalë nga rruga duke përfunduar jashtë saj. Si pasojë e plagevë të marra i riu ka ndërruar jetë në vend. Policia po heton shkaqet e aksidentit.
NJOFTIMI I POLICISË:
Mbrëmjen e djeshme, në vendin e quajtur “Muri i kalasë”, në lagjen “Liria”, shtetasi Sh. B., 28 vjeç, banues në lagjen “Liria”, duke drejtuar automjetin tip “Dayang”, ka humbur kontrollin mbi drejtimin e automjetit dhe për pasojë automjeti ka dalë nga rruga. Për shkak të dëmtimeve të marra nga ky aksident, 28-vjeçari ka humbur jetën. Grupet hetimore vijojnë punën për dokumentimin ligjor të rrethanave të këtyre ngjarjeve.
