VLORË– Një 62-vjeçar ka mbetur i plagosur këtë të martë në lagjen “28 nëntori” në Vlorë pasi u përlas nga një makinë. Raportohet se një automjet tip “Volkswagen“ me drejtues një 47-vjeçar ka aksidentuar këmbësorin teksa po kalonte rrugën.
Ky i fundit ndodhet në spital nën kujdesin e mjekëve dhe jashtë rrezikut për jetën. Policia dhe grupi hetimor kanë mbërritur në vendin e ngjarjes dhe po punojnë për zbardhjen e plotë të shkaqeve të aksidentit.
