VLORË– Një 69-vjeçar ka mbetur i plagosur këtë të hënë pasi u përplas nga një makinë. Ngjarja ka ndodhur në lagjen “Uji i Ftohtë”. Këmbësori është dërguar në spital dhe ndodhet jashtë rrezikut për jetën.
NJOFTIMI I POLICISË:
Rreth orës 08:00, në lagjen “Uji i Ftohtë”, Vlorë, automjeti me drejtuese shtetasen R. B., 44 vjeçe, banuese në Vlorë, ka aksidentuar shtetasin A. A., 69 vjeç, banues në Vlorë, këmbësor. 69-vjeçari është transportuar në spital, në gjendje jashtë rrezikut për jetën, ndërsa drejtuesja e automjetit është shoqëruar në Komisariat, për kryerjen e veprimeve procedurale. Grupi hetimor vijon punën për zbardhjen e rrethanave të aksidentit.
